Tamer Hosny Official Forum
ازيك ياواد ياعثـل / ازيك يابت ياموره
لو انتـــ مـــن اصحاب تامر دوس دخـــول
لو لــــسه اول مــــره ليــك دوس على تســجـيل

عشان تقبــى واحد مننا وحبيبنا كمـان وتامر هيعمل معاك احلى واجــب و

WELCOME TO TAMER HOSNY



 
الرئيسيةالرئيسية  س .و .جس .و .ج  بحـثبحـث  الأعضاءالأعضاء  المجموعاتالمجموعات  التسجيلالتسجيل  دخولدخول  

شاطر | 
 

 اكبر موسوعه من اغبى اسئله واغبى الاجابات عليها

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
abo Ghazy
Administrators
avatar

ذكر عدد المساهمات : 135
تاريخ الميلاد : 28/01/1994
تاريخ التسجيل : 06/01/2010
العمر : 23
العمل/الترفيه : تـــامـر حســـنى
المزاج : قــدام تـــامـر حســـنى

مُساهمةموضوع: اكبر موسوعه من اغبى اسئله واغبى الاجابات عليها   الخميس يناير 07, 2010 9:12 am

صباح الخير على احلى تيموريه فى الدنيا النهارده معايا اكبر موسوعه من اغبى اسئله واغبى الاجابات عليها

ليه الصعيدى بينزل الميه فى الشمس؟
عشان مش مشترك فى الأهلى

لية بلديتنا بيلبس تي شيرت علية قطة ؟
عشان الفار ميلعبش في عبة


ليه الصعيدي بيحط جنبه منبهين ؟؟
عشان واحد يضرب والتاني يحوش

طب ليه الصعيدي بيحط جمبه كوباية شاي؟
عشان منبه

طب ليه بيحط كوباية قهوه؟
عشان لو الشاي مرنش

طب ليه الصعيدي وهو بيتغدى بيحط جمبه كوباية ميه فاضية وكوباية ميه مليانه؟
عشان ممكن يشرب وممكن ميشربش

و ليه بيحط ملح على راسه ؟
علشان يبقى حدق

و ليه بيحط سكر على الكرسى قبل ما يقعد ؟
علشان تبقى قعدته حلوة

ليه الصعيدى لما بيشوف البرق بيضحك؟
عشان الصوره تطلع حلوه

صعيدى واقف فى الشمس و معاه دودة ليه؟
عشان الدكتور قالله اقف فى الشمس دقائق معدودة

لية الصعيدى بيحط خيارة تحت المخدة؟
عشان لو حط طماطماية هتتفعص

طب ليه الصعايده بيصنعوا الاتوبيسات بالعرض؟
عشان يركبوا كلهم قدام

خمس صعايدة فى غواصة غرقوا ليه؟
سمكة خبطت عليهم

ليه الصعيدى الصغير اذكى من الصعيدى الكبير؟
عشان ما بقالوش كتير صعيدى

ازاى تعرف البواب الصعيدى ؟
بينضف الاسانسير كل دور

صعيدى لغى معاده مع الدكتور ليه ؟
عشان عيان

حاجتين سود بينهم حاجة بيضة ايه ؟
عثمان احمد عثمان

ليه الست الصعيدية مابتشربش ميه طول فترة الحمل؟
عشان القفل اللى فى بطنها ما يصديش

ليه الصعيدى بيشرب الدوا قبل معاده؟
عشان يفاجىء الجراثيم

ليه الصعيدي بيدهن شقته باللبن؟
عشان تبقي شقه ملك(milk)

ليه الصعيدي بيلبس عمه؟
عشان يعرف راسه من رجليه

ليه بياخد معاه شومه و هو طالع الجبل؟
عشان لو الشمس ضربته يضربها

ليه بيلبس نضارة و هو نايم؟
عشان يشوف مين اللي بيحطله العماص في عنيه

ليه بياخد معاه شمسيه و هو بيعوم؟
عشان لو الدنيا مطرت

طيب ليه بيخلي اخوة ينام تحت الشباك؟
عشان يخض الناموس و هو خارج

ليه قتل ابوة؟
عشان يطلع رحله الايتام

طيب ليه قتل عمه؟
عشان ابن عمه يطلع معاه

طيب ليه قتل خاله؟
عشان الاجرام بقي في دمه

طيب ليه انتحر بعد كده؟
عشان رحله الايتام اتلغت

طيب ليه بقي بيقعد في حفرة؟
عشان يفكر بعمق

طب ليه بيدرس فوق السطح؟
عشان يعمل دراسات عليا

طيب ليه بيذاكر مع الشيطان؟
عشان الشيطان شاطر

ليه مش بيشتري صابون؟
عشان اخوه بيعمله سندوتشات

ليه مش بيشتري رابسو؟
عشان اخوة بيعمله فوار

طب ليه مبيشتريش بمب؟
عشان اخوة بيقزقزة

واحد بلديتنا واقف قدام المرايا و مغمض عنيه ليه ؟؟
بيشوف شكله و هو نايم

ليه الصعيدي لما يتعور يطلع فوق السطوح؟
عشان الجرح يكون سطحي

ليه الصعيدي لما يجي يستحمى باخد عائلته كلها معاه؟
يستخدم شامبو العائله

ليه الصيدلى بيبنى عماره؟
عشان يسكن الالم

طب ليه خد مخالفه؟
عشان بنى دور اكسترا

ليه القطر بيقف قدام الصيدليه؟
عشان يعاكس القطره

لو واحد صيني طلع القمر ايه اللى يحصل؟؟
الصينيين حيقلوا واحد

طب لو واحد ياباني طلع القمر ايه اللى يحصل؟؟
حيقابل الصيني فوق

ليه السودانيين ايديهم بيضا من جوا ؟؟
عشان كانوا ساندين على الحيطة و هما بيرشوهم

ليه الخشب يتيم؟
علشان مقطوع من شجرة

ليه التعبان بيحط عدسات لاصقة؟
عشان مالوش ودان يحط عليها النضارة

حاجة طايرة فى السما و بتقول نياو اية هى ؟
قطة بيضاء مضروبة بالشلوت

طب حاجة سودة طايرة فى السما و بتقول نياو اية هى ؟
غراب بيستهبل

طب حاجة بنى طايرة فى السما و مبتقولش اى حاجة اية هى ؟
فردة الجزمة بتاعة الراجل اللى ضرب القطة البيضاء

طب حاجة سودة طايرة فى السما و مبتقولش حاجة اية هى ؟
غراب عاقل و مبيحبش الاستهبال

حاجة زرقاء طايرة فى السما اية هى ؟
ذبابة لابسة بنطلون جينز أزرق

طب حاجة سودة و فيها خط أحمر و طايرة فى السما من الشرق للغرب
اية هى ؟
ذبابة لابسة فستان سواريه و حاطة روج و رايحة فرح واحدة صاحبتها

طب حاجة سودة و فيها خط أحمر و طايرة فى السما من الغرب للشرق
اية هى ؟
نفس الذبابة نسيت حاجة فى البيت فرجعت تجيبها

حاجة سودة ماشية فى الصحراء اية هى ؟
سرب نمل رايح يعزى

نقطة سودة على الحيطة اية هى ؟
ذبابة

طيب نقطتين سود عالحيطة ؟
فيشة .

طب 3 نقط سود على الحيطة تبقى اية ؟
ذبابة و فيشة

طب 54 نقطة سودة على الحيطة تبقى اية ؟
يبقى الدهان بيقشر

بيضه وقعت ومتكسرتش ليه؟
علشان ربنا ستر او عشان مدهونه بمعجون سيجنال تو

ماهو الشئ اللي ننام عليه ونجلس فوقه ونغسل اسناننا بيه؟
السرير والكرسي وفرشاةالاسنان

طب ايه الحيوان اللي بياكل ويشرب بديله؟
كل الحيوانات بتاكل وتشرب بدلها .. عمرك شفت حيوان ساب ديلو وراح ياكل...!!

في نمله نايمه على بطنها ليه؟؟
بتحل الواجب


ليه الكدب دايما بيركب عربية؟
علشان مالوش رجلين يمشي عليها.

واحد شرب بنزين و راح المستشفى جرى و على الباب وقع ليه ؟
البنزين خلص

واحد قتل ابوة وأمة وخالة وبعدين قطع رجلة ...ليه؟
عشان رجله ما تجيش في القضية

البدو فى الصحراء بيركبوا ايه ؟
بيركبوا إبل فيكترا

ليه القطنة مش حتدخل النار ؟
علشان مدام نظيفة قالت القطنة مابتكدبش

إيه أسرع حاجة بتيجي من أي مكان في الدنيا؟
الجون بييجي في ثانية

إيه آخرة كل شيء؟
الهمزة اللي على السطر.

ليه العربيه الجامبو سموها عربيه جامبو؟
عشان فيها مكان لاتنين بيركبوا "جمب"بعض

ليه الكيبورد حتتدخل الجنه؟
عشان عندها زرار تاب

ليه الكيبورد مش بتنام؟
عشان عندها شفتين(shift)

ليه القطر مهم؟؟
عشان تحتيه خطين

طب لو تحتيه خط واحد؟
نعربه

ليه القطر بيقف فى المحطة؟
علشان ما بيعرفش يقعد

طيب وليه القطر بيمشى بعد كدة؟
علشان زهق من الوقفة

له جنحان لكن لا يطير له أعين لكن لا يرى له منقار لكن لا يأكل يبقى ايه؟
عصفور ميّـت

ليه سندوتشات الكفته والبطاطس بتجري؟؟
عشان وجبات سريعه

صخره وقعت من فوق عماره ولوح الازازه اللى تحتها ماتكسرش ليه؟
علشان موقعتش عليه

طب فرخه بتعدى الشارع وماتت فجأءه ليه؟
الصخره وقعت عليها

ليه اليابان معندهاش حنان ؟؟
عشان هي في قاره ( آسيا )

حاجه بتجري وعندها راسين و 8 ارجل؟؟
كلبين بيجروا جنب بعض

ليه القرد سريع ؟؟
عشان القرد في عين امه غزال

ليه الكلب بيهوهو ؟؟
عشان القطه بتنونو

ما هو اقدم حيوان؟؟
الحمار الوحشي عشان لونه ابيض واسود

طب ايه هو اجدد حيوان؟
القنفد عشان بشوكه او الكنجر عشان بكيسه

طب ايه هو اطخن حيوان فى الغابه؟
التعلب عشان فات فات fat fat

طب ايه هو الحيوان اللى مشغول على طول؟
الخرتيت تيت تيت تيت تيت

عكس مدير عام؟
مدير غرق

ليه النملة بتقعد جنب البحر وهى بتقرا؟
علشان تبل صباعها قبل ما تيجى تقلب الصفحة

ليه النملة ما بتاخدش الفيل قصادها على العجلة؟
علشان بيقعد يلعب فى الجرس

فرخه معلقه سلسله فيها صوره بيضه ليه ؟؟
صورتها و هي صغيره

عاوزين نطير كلب نعمل ايه؟
نضرب فى واحد على كلب الكلب يطير مع الكلب

ليه النمر بيجري ورا العربية؟
.عشان يشوف النمرة

ليه الأرنب مبيعديش من قدام القهوة ؟؟
بيخاف من السحلب المكار

دكتور أسنان ارتكب جريمة يسجنوه فين ؟؟
في سجنال تو

ليه في الأرجنتين مش بيزرعوا تين ؟
لأنها من الدول اللا تينية

ما اللذى لة 2رأس و8اقدام؟
قطتان

لو عاوزين نطلع الدور السابع من غير سلم او اسانسير او اى حاجه نعمل ايه؟
نشرب سفن اب

طيب حاجه بيضه وطويله ورفيعه؟
فتله بيضه

طب حاجه سودا وطويله ورفيعه؟
خيال الفتله البيضه

ما هو عكس كلمة كونكريت؟
لا تكن كريت

ما هو عكس تلميذات؟
Don't tell me that
ما هو عكس نجوم؟
نجعد

ابره وقعت ومرنتش ليييييه؟
عشان ممعهاش رصيد

ايه هو الحيوان التعيس؟
القطة

ليه؟
عشان ديما تخربش ومتكسبش

عكس نجيب محفوظ ؟
.نودي محفوظ

طب ليه التلاجة غبية؟
عشان بتحفظ الاكل .. مبتفهموش


واحد تايه في الصحرا ومعاه مسطره حرف تي ..يعمل ايه ؟؟
1- يسمك المسطره ويقيس مسافه
2- يكاملها تبقى سرعه
3-يكاملها تاني تبقى عجله
4-يركب العجله

امتى السما بتشتي بدنجان؟
لما الدنيا تبقى مسقعه

طيب وامتى بتشتي برتقال؟
لما تبقى ساقعه تانج

واحد ميكانيكي فتح مصنع شيكولاتة يسميه ايه؟؟
كالاكسى

طيب ميكانيى بيعاقب الصبي بتاعه ليه؟
حاطله كومنت وحش على الفتيس بوك

ليه القطه بتدخل عن الحلاق؟
عشان الباب مفتوح

طب ليه الأقرع بيدخل عند الحلاق؟
. عشان ياخد القطه

عكس بالونه ايه ؟
نشفونا

خمسه صعايده قاعدين في اوضه كل يوم يخرج واحد ليه؟
بيلعبوا ستار ميكر

واحد ماشي في الشارع و لابس كوتشي ابيض ليه ؟
عشان ماشي مع الطقم

ما هو الحيوان الذي يعيش تحت الماء ويأكل الزلط؟
هو:الحيوان الذي يعيش تحت الماء ويأكل الزلط

ليه مفيش لعب كوره يوم الجمعه؟
عشان الكوره مع دريم

طب ليه فى لعب كوره يوم السبت؟
عشان الكوره فى الملعب

طب دى محتاجه سنة تفكير.....
عندنا حمام سباحه عمقه عشرة متر وعندنا فوق الحمام دا منط على ارتفاع اربعين متر ورمينا زلطه...حتوصل للقاع فى اد ايه؟
مش حتوصل عشان الحيوان الذي يعيش تحت الماء وياكل الزلط حياكلها قبل ما توصل

لماذا نشرب الشاى؟
عشان مش بيتاكل

ما الشى اللذى نفعله قبل الخروج من المنزل؟
ان نكون داخل المنزل

ما هو الشىء اللذى يتكلم بكل لغات العالم؟
صدى الصوت

ليه الرجل الاخضر سموه الرجل الاخضر؟
عشان لما بيجي يركب الموتوسيكل بيعمل جرينننن جرينننن

إيه وجه الشبه بين الحلاق وجورباتشوف ؟
الإتنين بيتعاملوا مع الروس

ايه الفرق بين الفيل و البرغوت ؟
الفيل ممكن يتملى براغيت لكن البرغوت مش ممكن يتملى فيلة

ايه الفرق بين المزرعة و البطاطس النصف مقلية ؟
دى فارم و التانية فارم فريتس

ما الفرق بين التليفزيون والغسالة ؟؟
مفيش فرق الاثنين بيستعملوا اريال

ايه الفرق بين القلة و الزير ؟
فيه فوازير و مفيش فواقلة

ايه الفرق بين عمرو دياب و إليسا ؟؟
إليسا بتعمل شريط كاسيت
و عمرو دياب بيعمل شريط كاراجل


إيه الفرق بين الليمون والزيتون ؟؟
الأولاني بيتعمل منه لاموناتة والتاني مابيتعملش منه زاتوناتة

ايه 5 فروق بين النملة و الفيل؟
1-رجل الفيل ممكن تنمل و رجل النملة مش ممكن تفيل
2-البيت ممكن يبقى فيه نمليه لكن ما فيهوش فيليه
3-تقدر تاكل سمك فيليه لكن ما تقدرش تاكل سمك نمليه
4-كل واحد له بروفيل لكن ما لهوش برونملة
5-You can feel but you can't namla

فروق بين البطة والوزة ؟
1- تقدر تحلق شعرك زلبطة لكن ماتقدرش تحلقة زلوزة
2- فية رحالة اسمة ابن بطوطة لكن مافيش رحالة اسمة ابن وزوزة
3- تقدر تبلبط في البحر لكن ماتقدرش تبلوز فية
4- كلنا بنتغطى في الشتاء ببطانية لكن مابنتغطاش بوزانية
5- الوزة كانت زمان بطة لكن الشيطان وزها
P:P


____________TAMER HOSNY______________
TAMER HOSNY





T A M E R 4 U S
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://tamer4us.top-me.com
Ahlawy To death
Moderators TAMER
avatar

ذكر عدد المساهمات : 102
تاريخ الميلاد : 28/01/1994
تاريخ التسجيل : 09/01/2010
العمر : 23
العمل/الترفيه : منتدي يلا اهلي
المزاج : YallaAhly.Alafdal.Net

مُساهمةموضوع: رد: اكبر موسوعه من اغبى اسئله واغبى الاجابات عليها   الأحد يناير 10, 2010 1:46 pm


شكراااااااااااااااا لك

____________TAMER HOSNY______________
مشرف منتدي تامر قسم الرياضة
عاشق النادي الاهلي
YallaAhly.Alafdal.Net
--------------------------------------------------------
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
R.m.A
Administrators
avatar

ذكر عدد المساهمات : 41
تاريخ الميلاد : 28/01/1994
تاريخ التسجيل : 07/01/2010
العمر : 23
العمل/الترفيه : فراقك صعب يا حبيبى
المزاج : رايق

مُساهمةموضوع: رد: اكبر موسوعه من اغبى اسئله واغبى الاجابات عليها   الثلاثاء يناير 12, 2010 5:12 am

تسلم يا برنس والكبير كبير وانت الكبير

____________TAMER HOSNY______________


دخولي قليل بسبب الامتحانات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
اكبر موسوعه من اغبى اسئله واغبى الاجابات عليها
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
Tamer Hosny Official Forum :: المنتدي العام :: الالعاب والترفيه , Games & Jokes With Member-
انتقل الى: